ISANG LINGGO ang lumipas nang tahimik ang buhay nina Assi at Alejandro. Himbis tuloy na matuwa si Assi ay kinakabahan siya dahil sa biglaang hindi pagpaparamdam ni Ava. Lingid sa kaniyang kaalaman na labis itong nalulungkot hanggang ngayon dahil sa naging usapan nila ng dating nobyo na si Alejandro. Dinamdam iyon ni Ava nang sobra, halos hindi ito makakain at makatulog nang maayos. Nobody wants to approach her inside her room, not even her maids. Dahil takot ang mga ito sa babae. Tila kasi pinutol ni Alejandro ang pag-asa na natitira sa puso ni Ava nang araw na iyon, ngunit anong pakialam ni Assi sa bagay na iyon? Ikatutuwa niya kung ganoon nga ang nangyari.
Maagang umalis ang asawa para pumasok sa opisina, samantalang si Assi ay nagbabalak na magtungo sa butik maya-maya pagkatapos ihati
