Peanut? Ako ba iyung tinawag na Peanut? Isang tao lang ang tumatawag nun sa akin.
Dahan-dahan kong nilingon ang taong nasa likuran ko. Nanlamig ako nang makita ko ang mukha nito. Dahan-dahan akong tumayo sa kabila ng panginginig ng mga binti ko.
Nasa harap ko ngayon yung lalaking pumasok sa isip ko. Nakangiti. Iyung ganung ngiti pa rin. Ang pinagkaiba lang ay nagka-edad na ito, at may halo nang puti ang buhok nito. Nandoon pa rin ang tikas at kaguwapuhan nito.
Hindi ko namalayang sunod-sunod na ang pagtulo ng mga luha ko. Gusto kong ibuka ang bibig ko at magsalita, pero tila may nakaharang na bara sa lalamunan ko. Pinilit kong lumunok para alisin ang kung anumang nakabara sa lalamunan ko, at saka lamang ako nakapagsalita.
"T-Tatay??"
