"Chad?"
"Hmm?" tila tinatamad na sagot nito.
"Hindi totoong may conference kaya ka pumunta ng Amerika?" tanong ko rito, pero alam ko naman na ang sagot.
"Yup!"
"Bakit?"
"Alin ang bakit? Bakit ko hinanap ang Tatay mo?" tanong nito, habang iniikot-ikot ang hinlalaki niya sa ibabaw ng palad ko.
Naka-upo kaming dalawa sa sofa, sa loob ng unit na inookupa ni Tatay dito sa hotel na pag-aari ni Chad. Naka-akbay iyung isang kamay niya sa akin, habang hawak naman ng isang kamay niya iyung kamay kong nakapatong sa hita ko. Pinapanood namin ang paglalaro ng board game nila Zyrus, Tatay at Chris, na kadarating lang.
Nagtaka ako nung una dahil sobrang laki ng kuwartong ito para kay Tatay, kaya nagreklamo ako kay Chad.
"Chad...
