Inabala ko ang sarili ko sa pagluluto para sa get-together ng magkakaibigan. Tatapusin ko lang ito, pagkatapos ay magpapahinga na ako sa kuwarto ko.
Kanina pa ako hindi kinakausap ni Chad. At hindi ko alam kung anong problema ng lalaking iyun.
Kung inaakala niyang feel ko na kabilang na ako sa grupo nila ay nagkakamali siya. Nasa tamang pag-iisip pa naman ako, at alam kong hindi nila ako ka-level. Nakikisama lang ako dahil mababait naman ang mga kaibigan niya sa akin, lalo na si Annika. At ginagawa ko lang ito kapalit ng pagtira ko dito sa bahay niya.
Mayamaya ay may narinig akong sasakyan na pumarada.
"Hi, Ysa!" sigaw ni Zyrus.
Tinotoo nga ni Annika na aagahan niya. Pero patapos na din naman ako dito.
