Kanina pa ako nakababad dito sa bathtub sa banyo ng kuwarto ni Chad. Nakapikit lang ako habang ninanamnam ang maligamgam na tubig sa balat ko. Malaking tulong ito para maging kalmado ako. Kailangang kalmado ako mamaya kapag kaharap ko na uli ang Mama ni Chad.
At siyempre si Reese.
Parang ayoko na yatang bumaba. Mas gusto ko na lang dito. Mas payapa....
"Anong ginagawa mo?"
Napalingon ako sa likuran ko.
"N-Nagluluto po...." sagot ko sa Mama ni Chad.
Pati si Yaya Rosing ay napatigil sa paghihiwa ng rekado, at nakatingin kay Donya Minerva.
Nakita kong tumikwas ang isang kilay nito.
"Anong meron?" tanong nito.
"Ah... Nyora. Wala po. Yung usual lang po na salu-salo nung magkakaibigan tuwing Sabado," si Yaya Rosing ang sumagot dito.
"Ahhhhh... aka
