“Naku, Pepper! Mabuti naman at bumalik ka na sa pagtitinda. Masarap na uli ang ulam namin ng pamilya ko.”
Napangiti ako sa sinabi ni Aling Minda na kapitbahay ko.
“Aling Minda naman kasi, bakit hindi mo pag-aralang magluto? Madali lang naman,” sabi ko rito.
“Ay naku! Sinubukan ko na ‘yan, Pepper. Wala talaga. Natakot na rin ang asawa ko, baka daw ma-food poison ko pa sila,” sagot nito sa akin.
Natawa naman ako sa sinabi nito. “Oh, siya. Iuwi mo na yang binili mo at pakainin mo na iyung mga anak mo, Aling Minda. Baka gutom na sila.”
“Ay, oo nga! Baka dumating na galing sa school iyung mga iyon. Sige na, Pepper. Mamayang meryenda uli ha,” pagpapaalam nito.
“Nanay!”
Napalingon ako sa tumawag. Kita ko ang nakangiting si Z
