Vincent’s POV
May ilang minuto na rin niyang tinitigan ang bracelet ni Ella na napulot niya noong gabi ng kasal nila. Pinagpagulong-gulong niya iyon sa palad, sinasalo ng kabilang kamay.
Kagabi pa sana niya nais ibigay sa asawa ang bracelet, pero pinanghinaan siya ng loob. Bumuntong-hininga siya, isinara ang kamao. Ayaw niyang masira ang napakagandang gabi nila, pero nais na niyang maibalik sa asawa ang unang regalo niya rito.
Alam niyang matutuwa ito pag nakita niya ang bracelet. Ngumiti siya, bahagyang kinagat ang labi.
"Ibibigay na nga kita sa amo mo," bulong niya sa bracelet. Isinilid niya iyon sa bulsa ng slacks.
At nakangiting tumayo mula sa swivel chair at lumabas ng opisina. Inayos niya ang cuffs ng polo, huminga nang malalim.
"Sir, mag-start na po meeting niyo in 10 mi
