Ella
Halos hindi nya magawang pumasok sa function hall ng VincElla Hotel kung saan gaganapin ang Party. Dahil doon din ginanap ang reception ng kasal nila ni Vincent noon. Nanlalamig ang mga kamay nya at nanginginig ang mga tuhod. Hindi pa sya handang harapin ang lugar na naging parte ng masalimuot nyang kasal. Apat na taon na ang nakakalipas pero tila sariwa parin ang lahat sa kanya. Parang kahapon lang nangyari ang lahat.
"What's wrong?" Tanong ni Vincent. Nang mapansin ang panginginig nya sa tapat ng entrance.
Nilingon nya ang asawa na nagtatanong ang mga mata. iniling lang nya ang ulo, at humakbang na para pumasok sa loob. Pero dahil sa panginginig ng mga tuhod nya napasubsob sya, at bago pa sya tuluyang bumagsak sa sahig nahawakan na sya ng asawa sa bewang.
"Be careful!' Bulong
