Paggising niya, wala na sa silid ang asawa. Marahil bumaba na ito.
Nagmadali siyang naligo at nagbihis para sa first day niya sa VincElla Hotel. Kung magtatrabaho siya sa hotel, mababantayan niya ang asawa. Malalaman niya ang bawat galaw nito. Kung nakikipagkita ba ito kay Caroline? Kung may balak ba talaga itong saktan siya?
She chose to wear a black pencil-cut dress with a brown blazer and white high heels. Para siyang professional model at hindi manager sa suot niya. Alam niyang kailangan niyang mag-ayos at magpaganda dahil masasabi niyang maganda ang kalaban niya sa asawa.
Pagdating niya sa komedor, nakita niya ang asawa na nakaupo na sa mesa habang nagbabasa ng dyaryo. Kung hindi sana niya nakita ang tawag na iyon ni Caroline, baka siya mismo ang maghahanda ng almusal ng asaw
