Nakatulog siya sa buong biyahe pabalik ng San Miguel. Hindi niya namalayan na nakarating na sila sa bahay kung hindi pa siya niyugyog ng asawa.
"Ella," bulong nito. Marahan siyang inalog.
Nagmulat siya, tuliro. "Where are we?" Inaantok pa ang boses niya.
"We're home," sagot ng asawa.
Pagdilat niya, nakita niyang nakatingin ito sa kanya. Sa dibdib niya. Doon lang niya napansin na bukas pa pala ang tatlong butones ng puting blouse niya mula kanina sa kotse.
Uminit ang pisngi niya, pero hindi siya gumalaw. Hinayaan niyang tignan siya ng asawa.
Dahan-dahang inabot ng asawa ang blouse niya. Isa-isa nitong isinara ang mga butones. Mabagal. Bawat pagdampi ng mga daliri nito sa balat niya, napapikit siya. Ramdam niya ang init ng palad nito kahit saglit lang. Ang hininga niya, bumigat.
