NAPABALING sa gawi niya si Kurt kaya napaatras ito, pagkuwa’y hinila ang towel. Ngumiti ito at naglakad palapit sa kanya na parang walang nangyari. Doon lang siya napilitang maglakad para salubungin ito.
“Nagutom ka, love?”
Sumulyap siya sa gawi ni Mila para tingnan ang reaksyon nito. Nakangiti ito sa kanya kaya napaiwas siya nang tingin. Malapit na yatang masagad ang inis niya rito. Kay Kurt na lang niya ibinaling ang sarili mayamaya.
“Medyo,” sagot niya.
Hinapit siya ni Kurt kaya napayakap siya rito habang hawak ang plastic na may lamang mais at saging. Kinuha iyon ni Kurt sa kanya para ito na ang humawak.
“Bakit nga pala hawak ni Mila ang towel mo?” mahinang tanong niya.
“Hindi ko alam kung paano napunta sa kanya. Pero nawawala ang isa sa bag. I thought tatlo ‘yon?”
Tatlo nga. Na
