Parang isang teleserye ang nasasaksihang eksena ni Zayn sa sandaling 'yon, kita niya ang masaganang luha na umaagos sa pisngi ni Lorraine habang sina Black Scorpion at ang ginang ay halos nagsisigawan na.
Lahat ay nabigla sa huling sinabi ng ginang kay Black Scorpion, lalong-lalo na si Mikaella. Marahil ay nagulat ito sa rebelasyon sa pagkatao ng ama lalo pa at buong buhay nito, ang tingin sa ama ay mabait at mapagmahal. Paano pa kapag nalaman nitong isa itong mafia lord, negosyanteng tinutugis ng awtoridad sa illegal nitong gawain.
"Tumigil ka na!" galit na galit na tinig ni Black Scorpion sabay taas ng kamay upang sampalin ang ginang kaya agad 'yong pinigilan.
"Sir," aniyang awat dito.
Matalim ang tingin nito sa kanya pero hindi niya hahayaang saktan nito ang babae sa harap niya at n
