Mula nang makausap si Armando tungkol sa anak na si Lorraine ay hindi na mapakali si Lorena kaya nagbakasakali siyang puntahan ang dating tinitirhan ng mag-ama kung doon pa rin nakatira ang mga ito. Halos apat na oras na siyang naghihintay sa loob ng nirentahang sasakyan ngunit wala pa rin siyang nakikitang taong nalabas buhat roon.
Nang hindi na matiis pa ang paghihintay ay naghanda na siya upang bumaba ng sasakyan upang personal na alamin kung ang mag-amang Paredes ang nakatira pa rin doon. Ngunit hindi pa man siya nakakababa ay may humimpil na sasakyan sa tapat ng gate ay bumaba mula roon ang anak na si Mikaella, tila ba nagmamadali itong pumasok dahil nakailang pindot din ito ng doorbell.
Mabilis ang naging galaw niya, bumaba siya ng sasakyan at tinawag ang pansin nito.
"Anak," mala
