NAPAHINTO pa si Aniah sa paglalakad nang makita ang motel na tinulugan nila ni Evo dahil sa lakas ng ulan noong mga panahon na iyon.
Parang kailan lang din iyon.
“Baka hilingin mo pang umulan, hindi uulan ngayon,” ani Evo na hinila na si Aniah palayo sa gusaling pinagmamasdan niya.
Napatawa naman si Aniah. “Paano ka naman nakakasigurado na hindi uulan ngayon?”
“Hindi ka ba nag-che-check ng weather forecasts sa cellphone mo?”
“Hindi.”
“Kaya naman pala kung kailan hindi umuulan, saka ka may dalang payong. At kapag umuulan naman, saka ka naman walang dala.”
“‘Yon ba ang sekreto mo kaya palagi kang may dalang payong kapag umuulan?”
“Hmm.”
Gumanti ng hawak si Aniah sa kamay ni Evo kaya napatingin doon ang binata.
“Ano? Sa next life lang din puwedeng makipag-holding hands?”
“Hindi nam
