NANG matapos nail cutter-an ni Evo ang mga kuko ni Aniah sa kaniyang mga kamay ay napagmasdan pa niya iyon sa liwanag na nagmumula sa poste ng ilaw, hindi kalayuan sa kanilang puwesto.
Napangiti pa siya. Sa pangalawang pagkakataon, si Evo ang nag-nail cutter ng mga kuko niya sa kamay.
“Thank you,” nakangiti pa ring wika ni Aniah kay Evo. “Ang off ba na hindi ako marunong mag-nail cutter?” tanong pa niya.
“Kung sa katayuan naman ng buhay na mayroon ka, hindi rin naman kataka-taka na wala kang alam sa ibang bagay.”
Right…
Nagbawi ng tingin si Aniah at itinuon iyon sa paligid ng parke. May mga bata na abala sa pagpapadulas sa may padulasan. Naglalaro ng habulan. Nagpapaduyan sa swing at kung ano-ano pang activities na mayroon sa Perez Park.
Sigurado naman si Aniah na pahapyaw lang ang a
