REBECCA’S POV
“HOW dare you?!”
Isang malakas na sampal ang inabot ko kay Meryl pagkatapos kong aminin sa kanilang dalawa ni Momma ang mga pagtataksil ko, nang balikan nila ako kinabukasan upang kausapin tungkol sa totoong nangyayari kay Sir Tristan. ‘Buti nga, sampal lang ang ginawa niya sa’kin. Dahil ang inaasahan ko talaga, sasabunutan at sasaktan niya ako. O kaya ay ilampaso niya sa sahig ang mukha ko. Katulad ng ginagawa ng ibang babae sa kabit ng mga nobyo o asawa nila. Nakahanda pa naman sana ako na tanggapin niyon bilang parusa sa aking sarili.
Inaasahan ko na magagalit sila sa akin kapag umamin na ako. Pero hindi ako matatahimik hangga’t hindi ako nagpakatotoo sa kanila. Ayokong umalis kami ni Samantha na hindi ko nasasabi ang katotohanan sa mga taong naging mabuti sa aming mag
