"Pluma?" kiming ngumiti ako kay Zenia Freedo. Sinadya ko talagang maglandas ang daan naming dalawa nito. Tanda ko pa kung paano mag-ayos ang aking ina, kaya ngayon ay mahabang bestidang bulaklakin ang suot ko. May suot na koronang bulaklak sa ulo. Nagpahid ng liptint sa labi at ang buhok ay nakalugay lang. May suot din akong pulseras na maliliit na shell.
"Magandang umaga po."
"Saan ang punta mo?" nakaangat ang kilay na ani ng ginang. Ang tingin nito ay waring nangmamaliit na nagtaas-baba pa nga.
"Pupunta po sana ako kay Boss Nathaniel."
"Nang ganyan ang ayos?" salubong ang kilay na tanong nito sa akin."Hija, masyado mo naman yatang pinaghandaan ang pagkikitang ito? Bakit? Naisip mo bang yayaman ka rin kapag s'ya ang nakatuluyan mo? Hays, may naalala akong tao na ganyan mag-isip sa 'yo
