ANG buong akala ni Marco Luther, nakaligtas na siya sa bunsong kapatid. Ngunit biglang sa bahay niya ito nagpahatid at hindi sa mansyon Del Fuego. Sinubukan niyang hindi pag buksan ng pinto. Pero talagang hindi tumigil sa kakakatok hanggang hindi niya pinagbubuksan.
“Akala ko ba may sakit ka at hindi nakakabangon sa higaan?” Pagtataray pa nito sa kaniya. Bago tumakbo at humilata sa ibabaw ng kama niya.
“Katatapos ko lang mula sa therapy at hirap akong kumilos. Saka bakit ba gusto mo ako pa ang susundo sayo nariyan naman ang PA ko?”
“Huwag mong mabanggit sa harapan ko ang pangit na yon! Isang beses ko pa siyang makita at babasagin ko na ang balls ng gagong yon!”
“Bakit anong ginawa niya sayo?”
“Pinaghintay niya ako sa arrival area at naroon lang pala sa parking. Tapos hindi man lang a
