PAULIT-ULIT na sinasabi sa kanya ni Colt na disaster ang bakasyon nilang iyon dahil hindi na sila nabigyan ng pagkakataon na mapag-isa pero para kay Lily ay nag-enjoy siya. Natatawa siya kung paano magselos si Connor. Para itong bulkan na sasabog lalo na hindi lang si Carter ang nakapansin sa kagandahan ng sekretarya nito kundi maging ang ibang turista. Marami na itong karibal. Naaliw rin siya kung gaano kainosente si Marikit. Wala itong kamalay-malay sa rason ng pag-aalburuto ni Connor.
Kasalukuyan silang lulan ng Van. Kasama nila sina Connor at sekretarya nito habang nasa isa pang Van na kasunod lang nila sina Corbin, Eliza, Carter at ang girlfriend nitong hitad. Ginagalugad nila ang buong resort. Kanina ang una nilang pinuntahan ay ang salt lake na nakonekta sa dagat. Parang salamin an
