NAPAANGAT ng tingin si Colt mula sa binabasang papeles nang bumukas ang pinto ng kanyang opisina. Inaasahn na niya na si Doctor Pierce Sandoval ang kanyang bisita sapagkat pinaalam na iyon ng kanyang secretary sa pamamagitan ng wireless video intercom.
Nasa koliheyo pa lang ay matalik na silang magkaibigan ni Pierce. Nagtapos ito ng c*m Laude sa kursong medisina. Isa na itong matagumpay na doctor at hindi na rin matatawaran ang galing kung kaya kinuha na ito bilang family doctor ng ng buong angkan nang mga Ventura.
“Long time no see, bro,” bati niya. Tumayo siya upang makamayan ito at matapik sa balikat.
“Na-miss kita kaya dinalaw kita dito,” sagot ni Pierce na sa halip na umupo sa harap ng kanyang executive table ay pumwesto ito sa sofa ng kanyang receiving area.
Natawa siya. “Kumust
