NAGISING si Lily sa naamoy na tila nasusunog. Kaagad siyang tumalon sa kanya. Tinakpan ang katawan ng roba pagkatapos ay kumaripas na ng takbo papunta sa kusina sapagkat doon galing ang amoy at usok.
Nawala ang takot niya at sa halip ay natuptop niya ang kanyang bibig sa pagpipigil ng tawa nang makita si Colt na hindi alam kung ano ang gagawin sa nasusunog na kawali. Nauubo na ito at naluluha dahil sa usok. Nakasuot ito ng sweatpants at walang suot na pang itaas na damit maliban sa apron.
Sa halip na tulungan ito ay nakuha pa niyang umestatwa at tumulala sa kakisigan nito. Napakaswerteng nilalang niya para mabigyan ng maraming pagkakataon na makulong sa matitipunong bisig at dibdib nito. Araw-araw din niyang nalalasap ang tamis ng labi na pinapangarap ng mga kababaihan na madampian man
