“SIR.”
Napatingin si Colt sa kanyang sekretarya. “Yes?”
“May ipag-uutos pa po ba kayo? Pwede na po akong lumabas?”
“Oh sure!”
Magalang na nagpaalam sa kanya ang sekretarya pagkatapos ay lumabas na ng opisina niya. Pinilig naman ni Colt ang kanyang ulo. Tatlong araw na siyang nakabalik sa kanyang opisina ngunit lagi siyang hindi mapakali. Iniisip niya si Lily na naiwan sa mansyon. Halos hindi na niya ito makausap. Tahimik lang. Tulala. Nagkukulong na lang sa kanilang kwarto. Wala na rin ganang kumain. Labis ang kanyang pag-aalala na baka magkasakit na ito kung magpapatuloy pa ito sa ganoong sitwasyon.
Dalawang linggo na buhat nang ilibing ang ina ni Lily. At mahigit isang linggo rin siya nanatili sa tabi ng kanyang asawa. Hangga’t maari ay ayaw niyang iwan ito dahil nag-alaala siya na
