"TAMA ba ang hinala ko, bro?" salubong ni Jovanni sa kaibigang bagong dating.
Ilang araw lamang din ang itinagal niya sa pagamutan. Dahil nang ipinahayag ng doctor na wala namang ibang pinsala sa kaniya ay nakauwi rin siya. Kaya't sa bahay siya dinalaw ng kaibigan.
Subalit ang pananahimik nito ay kinumpirma lamang na mayroon itong nalalaman. Kaya naman ay muli siyang nagsalita.
"Brod, walang problema. Kahit hindi mo sabihin ay alam kong mayroon kang nalaman. Ngunit alam mo bang hindi ko magawang magalit sa kaniya? Oo, alam kong may kinalaman si Edward sa lahat ng nangyari sa buhay ko simula pa noon. Muntik ka pa ngang namatay dahil sa aksidente.
Ngunit kagaya mo siyang mahalaga sa akin. Kaya't kahit ano'ng bigat ng nagawa niyang pagkakamali ay umaasa pa rin akong siya mismo ang aamin
