Chapter 48
KATULAD ng gusto niyang mangyari, pumunta pa kami sa ikaapat na tore para lang mag-usap at wala pa rin akong kaide-ideya kung tungkol ito saan. Hinayaan ko na lang siya at pinagbigyan sa gusto niyang mangyari. Napakatahimik ng pasilyo at mas malamig sa lugar na ‘to. Walang naroon kundi kaming dalawa lang ni Bron. Kumanan pa kami sa isang pasilyo nang makaakyat kami sa ikatlong palapag. Sumalubong sa amin ang napakahabang pasilyp. Tanaw sa bukas na bintana ang malaparaisong bulo-bunduking tanawin.
May ilang mga ibon ang pumapasok sa pasilyo at lumilipad papalayo sa tuwing nabubugaw namin sila. May ilang paru-paro, insektong lumilipad at dumadapo sa mga veins na nakakapit sa halaman. May mga hilerang upuan do’n at may harang sa gitna. Sumunod lang ako sa kanya at naupo siya sa p
