“Vito! Nandito na ‘ko! Sorry naman na, oh. Huwag ka nang magalit at magtampo,” lambing ng haggard na si Sabrina sa boyfriend niyang tuluyang nabanas sa tagal ba naman niyang dumating.
Nang isuhestiyon nito kanina na i-cancel na lang nila at huwag nang ituloy ang nakatakda nilang pagkikita, kaagad na sinuyo ito ni Sabrina para mas maging patient pang lalo. God knows kung ayaw niya itong napaghihintay ng matagal ay mas ayaw din naman niyang nale-late lalo na sa mga lakad na kasama ito at date nila.
Halos takbo-lakad na nga ginawa niya pagkababa ng tricycle at pagkapasok pa lang ng mall. Pagkarating naman sa fast food kung saan ito naghihintay, hindi naman siya nahirapang hagilapin kaagad ang table kung saan ito nakapuwesto.
Pagkatungo niya’y nakabusangot at mukhang badtrip ang mukha nito.
