AVERY
Nakasimangot at hindi maipinta ang mukha ko, habang nakahiga sa kama at katabi ni Xander. Masyadong maraming kasalanan sa akin ang lalaking ito ngayon, kaya nanggigigil talaga ako sa kanya.
"Bitawan mo nga ako, huwag mo akong mayakap-yakap, Alexander. Ang baho mo!" inis na singhal ko sa kanya.
Inis na inis na nga ako, sumasabay pa ang masakit na ulo ko, dahil naamoy ko at nanunuot sa ilong ko ang amoy ng alak mula sa katawan niya.
"Wait, maliligo muna ako, baby, para hindi ka na magalit sa akin," malambing na bulong ng katabi ko.
Napangiwi ako nang halikan na naman niya ako sa leeg. Hindi ko na naman tuloy napigilan ang malakas na tîbok ng puso ko dahil sa ginawa niya, tapos nakayakap pa siya ng mahigpit sa akin.
"Alam mong hindi iyan ang kailangan ko, Alexander. Buksan mo ang
