JAMILLA
Masakit ang aking ulo nang magising ako, ganoon din ang katawan ko na para bang nabugbog ako magdamag. Napangiwi ako nang gumuhit ang kirot sa aking kalamnan nang gumalaw ako, kaya sandali akong pumikit at hinintay na humupa ang sakit na aking nararamdaman.
Nangunot ang aking noo nang maramdaman kong may nakapatong na kung ano sa aking katawan. Hindi ako makagalaw at nakakaramdam ako ng pangangalay sa binti ko dahil may nakadagan sa akin.
“Dammit!”
Napamura ako nang makita kong mahimbing na natutulog sa tabi ko si Drake. Balot ng kumot ang aming katawan, at sa tingin ko, pareho kaming hubo't hubad dahil ramdam ko ang init ng kaniyang balat.
“What happened last night?” mahinang usal ko habang sapo ng kamay ko ang aking noo.
Kumikirot ang aking ulo, at nararamdaman ko rin ang
