JAMILLA
Masakit at makirot ang aking ulo nang magising ako. Malamig ang temperatura dito sa silid ko at mukhang malakas ang air-condition, kaya kahit nababalot ako ng makapal na kumot ay nilalamig pa rin ako.
Gumalaw ang aking mga braso at kahit nakapikit, dahan-dahan kong kinapa ang remote sa tabi ng lampshade, pero natigilan ako nang wala ito sa tabi ko. Kaya nagmulat ako ng aking mga mata para hanapin ito.
Ilang ulit akong napakurap habang sinusuyod ng aking mga mata ang kabuuan ng silid na kinaroroonan ko. Hindi ko alam kung gaano katagal akong nakatulog kagabi.
Nagising ako na masakit ang aking ulo at nahihilo, pero nabalikwas ako ng bangon ng makita ko ang kumot at unang gamit ko habang pinoproseso sa aking isipan kung anong nangyari kagabi.
Nangunot ang aking noo at nagsalubo
