JAMILLA
Nakatingin sa akin sina Mommy at Ninang Leigh habang hinihintay nila ang isasagot ko. Tahimik si Drake, pero ramdam ko ang mabilis na pintig ng kaniyang puso habang yakap niya ako at mahigpit na nakapulupot ang kaniyang mga braso sa aking katawan.
“Let me go, Drake,” mahina pero matatag na utos ko kay Drake.
Nahihiya ako sa aming mga ina dahil nakikita nila kami sa ganitong sitwasyon. Parang batang ayaw mawala sa ina niya si Drake habang yakap niya ako ng mahigpit at para bang natatakot siyang pakawalan ako dahil mawawala ako sa kaniya.
“Let her go, Drake,” utos ni Ninang Leigh sa kaniyang anak, pero umiling ito at mas lalo pang humigpit ang pagkakayakap niya sa akin.
“Kaya nagagalit sa iyo si Jamilla dahil pinipilit mo palagi ang gusto mo sa kaniya, tapos nang mag-away kayo,
