JAMILLA
Dahil hindi ako malakas uminom ng alak, kaya mabilis akong nakaramdam ng pagkahilo. Apat na beer pa lang ang naubos ko, pero umayaw na ako dahil ayaw kong malasing na kasama si Drake.
Kailangan kong mag-ingat habang kasama ko siya dito sa isla dahil baka may binabalak na naman ang kinakapatid ko. Kilala ko si Drake, kaya mas mabuting maging maingat ako at baka kung ano na naman ang gawin niya.
“Ang sarap naman nito.”
“Talaga?” nakangiting tanong sa akin ni Drake.
“Hmm, oo,” sagot ko.
Nagustuhan ko ang lasa ng barbecue, pati na rin ang inihaw na isda, kaya nilantakan ko ito.
“Ayaw mo ba?” tanong ko kay Drake dahil tanging isang stick lang ng barbecue ang nakita kong kinain niya.
Tumango siya at ibinuka ang mga labi. Alam ko kung anong gusto niyang mangyari, kaya kumuha ako
