SALUME
Bumalik nang balisa si Eufrecina. Nais ko sana itong tanungin kung anong nangyari sa kanya ngunit si Apollonio na lang ang bubulabugin ko. Tutal, aalis na rin naman kami maya-maya kapag naibigay ko na sa kanila ang imbitasyon. Makikipagkita ako ngayon kay Eutequia, baka sunduin ko na rin si Aquilina at ihatid ito sa paaralan. Mabuti na lang at hapon lang ang pasok nilang araw dahil mayroong pagpupulong ang mga guro ng Milagrosa Central School.
"Magpahinga muna kayo at pagsalu-saluhan itong tinapay. Malamig din ang tubig natin, hali muna," aya ko sa aking mga trabahador. Pumili sila sa bomba. Dahil iisa lamang iyon, mukhang aabutin sila ng siyam-siyam. Iyong mga nakalinis na ay binigyan ko na ng tinapay at inabot na rin ang imbitasyon.
"Marami pong salamat, Donya Salume." Tumango
