AQUILINA
Katulad ng sinabi ni Mildred ay naghintay ako. Kinakabahan ako para sa kanila ni Edgardo. Kapag nahuli sila ni Yaya Badeth paniguradong katapusan na nila.
"Naua'y maging matagumpay ang plano nila. Wala sanang maging aberya," panalangin ko habang pabalik-panaog na iniikot ang silid.
Ilang minuto pa ang lumipas at narinig kong may kumakalansing sa kabilang dako.
"Mag-iingat ka, Mildred," wika ko.
"Wag kang mag-alala. Mahuli man ako... sisiguraduhin kong makakalabas ka rito."
Muling nanginig ang aking labi sa narinig. Patuloy nilang ihaharang ang kanilang sarili para sa aking kapakanan. Wala man akong maisip na rason para umabot sila rito ngunit kung tatanggihan ko ang sakripisyo na iniaalay nila sa pagkakataong ito ay para ko na rin silang pinagtaksilan.
"Kung nasa bungad ka
