AQUILINA
"Saan ka magtutungo ngayong gabi? Mukhang may gayak ka. Saan ka tutungo?" tanong ni ina.
Malas. Bakit pa kami nagpang-abot na dalawa?
"Kina Mildred," mabilis kong tugon. Tumaas ang pareho niyang kilay. "Hindi maaari. Manatili ka rito sa bahay at mayroon tayong pag-uusapan. Hindi mo ba nais na samahan kami ng iyong ama? Kakabalik mo lamang tapos pipiliin mong makasama ang ibang tao kesa sa amin."
"Mas mainam nang kasama ko ang sinasabi niyong ibang tao, ina. Mas panatag ako kung sila ang aking kaharap, sila ang aking kausap dahil sila ay marunong gumamit ng tainga at bibig. Hindi katulad niyo na kumpleto nga ang parte ng katawan, sariling salita mo lang naman ang pinakikinggan. Sariling salita lang din ang pinaniniwalaan. Naua'y sa bato na lamang kayo makipag-usap kung nais ni
