Alas diyes na ng umaga nang makarating si Aquilina sa tatlong ektarya nitong lupain. Labis niyang ikinagalak na makita ang malawak na lupa, para sa kaniya ang araw na ito ay parang panaginip lamang. Kulang pa man sa edad at sa kasanayan, nag-uumapaw naman ang determinasyon ng munting haciendera. Para sa kaniya, ito na ang tamang panimula para maisakatuparan ang kaniyang plano, ang kaniyang pangako kay Basilio.
"Tiyo Pato, sabihin mo sa akin kung ilan ang mga tauhang nagtatrabaho sa ilalim ng pangalan ng mga Alvarado?" tanong nito sa kaniyang kasama.
Saglit na natigilan ang ginoo. Hinimas nito ang kanyang baba habang hinuhulaan kung ano ang kanyang isasagot.
"Siguro, Senyorita aabutin ng limandaang tao. Kasama na roon ang trabahador ni Don Crisanto sa kanilang bahay. Ano po ang rason ku
