HINDI matapos-tapos ang pagtangis ni Donya Salume habang tila naglalarong itinututok ni Crisostomo ang dulo ng baril sa sentido ng kaniyang mag-ama. Umiling siya... naglakas-loob siyang umiling kahit na alam niyang hindi magbibiro si Mercado na papasalangin ang dalawa kung hindi ito makakapili.
"Alam kong nahhirapan ka sa pagpili, Salume. Di bale, dahil mahal kita at importante ka sa akin, humingi tayo ng tulong sa ating mga panauhin. Kaya namin sila inimbitahan dito ay hindi lang para manood kung hindi para na rin makisaya ngayon."
Tinuro ni Mercado si Edgardo na ikinagulat nito. "Oh, wag kang mag-alala, hindi ako ang mamimili, hmm? Si Taning." Pagkatapos niyang sabihin iyon ay ipinikit niya ang kaniyang mata tapos animo'y batang kumanta ng larong mini, mini, maynimo.
"Mini, mini, mayn
