MILDRED
Nakarating sa akin ang balitang aani na ngayong araw si Aquilina. Masaya ako para sa kaniya dahil sa mura niyang edad ay mayroon na siyang pagkukunan ng salapi at hindi na aasa sa kaniyang mga magulang. Unti-unting umuusad ang kaniyang plano. Ang susunod noon ay bibili siya ng panibagong lupang mapagtatamnan. Mas marami, mas malaki ang yamang makukuha.
"Edgardo, sigurado ka bang naririto si Aquilina? Kanina pa tayo nakaupo rito sa loob ng sasakyan, ngunit hindi pa rin natin siya mahagilap," wika ko. Nasa tapat kami ngayon ng bahay na tinutuluyan nila ni Crisostomo. Ewan ko kung bakit bigla na lang akong sinugod ni Edgardo sa bahay para alukin na pumunta sa mansyon na tinutuluyan ng kaibigan namin dahil may natanggap siyang liham na nagsasabing nais kaming kausapin ni Aquilina.
"
