CRISANTO
"Sigurado ka bang dito sila nakatira?" tanong ko, pigil-pigil ang inis.
"Opo. Sigurado po ako, Don Crisanto. Ako man ay bawian ng buhay ngayon din," mabilis nitong depensa.
Ikinuyom ko nang mariin ang aking kamao, sinipa ang hangin dala ng pagkagigil. "Paanong wala sila rito?! Tumakas sila ganoon?"
"I-Iyon po ang hindi ko sigurado. Pero, paano kung kinausap na sila ni Don Dante at pinalikas? Hindi kaya natunugan niya ang inyong plano? Kasi kung hindi naman, madadatnan sana natin iyong dalawa."
Natigilan ako saglit, kinonsidera ang opinyon nito. Hindi iyon imposible, pero si Dante? Walang utak ang isang iyon. Hindi naman pwedeng sinulsulan siya ni Eutequia? Baka nga walang alam iyon sa nangyari dahil siya'y baldado sa kanilang pamamahay. Masyado siyang iniingatan ng kanyang as
