EUTEQUIA
"Ikaw na ang bahalang magdala nito. Maraming salamat," utos ko roon sa kasama ko. Nauna na akong maglakad. Nagmamadali ako dahil masyado akong nagtagal sa bahay. Sabi ng Doktor, baka abutin pa kami ng isang linggo sa Hospital kaya marami akong dinalang damit para hindi na ako pabalik-balik sa bahay.
Ang inaalala ko ngayon ay si Basilio. Ayaw nitong manatili sa Hospital at nais umuwi sa bahay. Sabi niya, kaya niya naman mag-isa, kaya napapayag niya ako. Pero mayroong takot sa aking dibdib dahil baka mapahamak siya gayong wala siyang ibang kasama.
Malalaki ang hakbang na aking ginagawa. Nakakakalahati pa lamang ako sa pasilyo, nakita ko si Don Crisanto na makakasalubong ko. Tatawagin ko sana ang pangalan nito para kumustahing muli ang kanyang asawa ngunit hindi ko na naituloy iy
