EUFRECINA
"Naririto na tayo. Wag kayong mag-alala sapagkat kaalis lang no'n ni Eutequia. Matatagalan siya dahil kukuha pa siya ng mga damit at gamit na kakailanganin ni Dante," wika nito upang hindi lamang kami umurong ni Edgardo.
Labag sa loob ko ang pumunta sa Hospital kung saan nalalagi si Dante. Wala kaming relasyon at hindi niya rin kinikilala ang anak namin kaya ano ang karapatan ko para dalawin siya?
"Edgardo, hindi ba't nais mong makita ang kalagayan ng iyong ama? Ayaw mo ba? Malay mo, ito na ang pagkakataon para mapalapit kayo sa isa't isa."
"Don Crisanto, parang awa mo na. Wag mong bilugin ang ulo ng aking anak," mariin kong pagmamakaawa sapagkat ayaw kong umasa si Edgardo sa bagay na wala namang kasiguraduhan.
"Bilugin? Hindi ko binibilog ang utak ng anak mo, Upring. Hindi
