Ang Hari ng Angas
AiTenshi
Part 26
Noong manumbalik ang aking malay ay natagpuan ko na lamang ang aking sarili na nakatali sa loob ng isang bodega at napapaligiran ako ng 5 lalaki. Doon ko naalala ang pang yayari kanina habang namimili ako sa grocery may lumapit sa aking lalaki na nag pakilalang kaibigan daw ni Shan sa compound na dati nilang tinitirhan at doon ay may itinakip na isang mabahong panyo sa aking ilong dahilan para bumagsak ang aking katawan. Hanggang ngayon ay masakit pa rin ang aking ulo dahil epekto ng kung anong bagay na itinapal nila sa aking mukha. "Gising na pala ang mahal na prinsipe." ang wika ng lalaking nag pakilalang si Ivan. "Tangina! Anong ginagawa ko dito? Sino ba kayo? Wala naman akong ginagawang masama sa inyo!!" sigaw ko at doon ay biglang pumasok sa is
