Ang Hari ng Angas
AiTenshi
Part 25
Matapos ang aming kasal ni Shan, naging maluwag ang aming pag sasama dahil na rin sa kaliwa’t kanang suporta ng aming mga kaibigan at magulang. At dahil dito ay mas naging matibay pa ang aming pag mamahalan dahil may nag bibigkis na aming samahan. Ngunit sa lahat ng kaganapan sa aming buhay, naging isang malaking palaisipan sa akin kung paano nya inamin sa lahat ang aming relasyon. Alam ko kasi na hindi ito madaling gawin dahil lakas ng loob at tapang ang iyong magiging puhunan. "Teka hon, bakit ba gusto mo pang malaman yung tungkol doon? Ang mahalaga naman ay tanggap nila mama at papa yung relasyon natin. Pati nga multo ng nanay ko ay sumang ayon din eh." bungad nito noong maisipan kong tanungin kung paano nya ipinag tapat ang lahat.
"Nag ta
