"Sigurado ka bang walang nakakita sa iyo?" tanong ni Lovely sa lalaking binayaran upang patayin ang mag-asawang Edad at Francis.
"Oo naman ako pa. Walang nakakita sa akin kaya't akin na ang perang ipinangako mo," sagot nito.
"Heto ang pera mo. Pero may ipapagawa pa ulit ako sa iyo," muli ay sabi ni Lovely kahit kumukulo na ang dugo niya dahil sa lantaran nitong pagiging mukhang pera.
"Oo naman, Ma'am. Kahit ano pa iyan ay gagawin ko. Basta magdagdag ka ng bayad dahil ang perang ito ay bayad mo sa nauna kong ginawa." Napangisi itong napatingin sa kaniya at kulang na lamang ay hagkan ang perang ibinayad niya.
Siya ang may kailangan kaya't kahit kumukulo ang dugo niya ay kailangan pa rin niya ang magtimpi. Hindi lingid sa kaniya ang pagnanais ng asawa niyang mabalikan ang dating nobya. Pe
