KABANATA 33:
NANGINGINIG ako sa takot pero pinili kong tatagan ang loob at magfocus. Kung hindi, p'wede akong mamatay ngayon. Puno ng pagmamadali ang aking bawat galaw. Sinunod ko ang sinabi ni Winston, ubod ng lakas kong tinulak ang drawer para makita ko iyong sinasabi niya. Mayroon nga doong maliit na pinto hindi naman nakakandado. Ubod ng lakas ko iyong inangat at bumulaga sa akin ang daan pababa. Madilim iyon pero ng binuksan ko ang pinto unti-unting nagka-ilaw. Automatic siya.
Napatili ako sabay hawak sa bibig ng makarinig ng putok ng baril ulit. Nagmamadali akong bumaba at tinahak ang daan. May isa ulit na pinto at ng binuksan ko iyon nakita ko ang basement na puro gym equipment at may mga armas. Sinunod ko ang bilin sa akin ni Winston. Ni-lock ko ang pinto bago umalis doon at sina
