JENNIE
Iniwan namin sa bahay ang mga magulang namin ni Lyndon. Walang kahit isa sa kanila ang pinayagan naming sumama sa amin para sa consultation appointment ko sa hospital, dahil mas lalo lamang akong kinakabahan kapag kasama silang lahat.
Napagkasunduan nila kanina, bago kami umalis na uuwi muna sa bahay sina Daddy Mateo at gaya ng gusto ni Jay ay kasama ang mga magulang ko.
Doon daw muna sila at pupuntahan na lang namin mamaya, kapag natapos na ang appointment ko sa hospital.
Pumayag ako, dahil nakita ko naman na ayos na ang lahat. Naging biruan na lang nila ang ginawang panloloko daw ni papa noon kay Mommy Bianca, kaya hindi na ako nag-aalala na baka mag-away sila.
Papunta kami ngayon ni Lyndon sa hospital, sakay ng kanyang sasakyan, pero kanina pa ako paulit-ulit na napapatingin
