JENNIE
Tumayo si Lyndon at lumapit sa akin ng makita akong nakatayo malapit sa kanila. Natigilan kasi ako at hindi agad nakalapit sa kanila, dahil nakaramdam ako ng labis na kaba.
Pakiramdam ko kasi ay kailangan kong magpaliwanag sa kanilang lahat, kung bakit ngayon lang nalaman ng mga magulang ni Lyndon ang tungkol kay Jay.
"Kumusta na ang pakiramdam mo, love?" malambing na tanong agad ni Lyndon ng makalapit sa akin.
Tipid na ngumiti ako sa kanya, habang ang mga mata ay nakatingin sa sala.
"Ayos lang ako," mahina ang tinig na sagot ko.
Ngumiti rin siya sa akin at inabot ang kamay ko at mabilis na pinag-salikop.
"I'm sorry, hindi ka na namin ginising kanina, love, bago kami lumabas ng silid ni Jay, para makapag-pahinga kang mabuti."
Ngumiti ako kay Lyndon at sinabi ko sa kanya na a
