JENNIE
Inikutan ko ng mga mata si Lyndon. Anong akala niya sa akin, madadala ako sa suhol na bulaklak at tsokolate, tapos ayos na ang lahat?
"Hindi ko kailangan ng ganyan. Aanhin ko ang mga 'yan?" walang ganang sagot ko.
Tiningnan ako ni Lyndon na para bang nag-ibang anyo ako sa paningin niya.
"Di ba ganyan naman kayong mga babae. Kapag nagagalit? Dapat susuyuin ng lalaki, tapos kailangan ay sweet ang gesture, kaya may flowers at chocolates," nakangiting sagot ng katabi ko.
"Bahala ka, pero ikaw ang kakain ng mga 'yan bukas, pati na rin ang bulaklak mo, isama mo na rin ang dahon at tinik," masungit na sagot ko.
Pakiramdam ko ay kasama na naman ito sa kanyang pakulo. Binabago ni Lyndon ang usapan, para hindi niya sagutin ang tanong ko sa kanya kanina.
“Kung ayaw mo ng mga ‘yan, anong
