NAPALABI SIYA. “NAGBAGO na ba ang isip mo? Ayaw mo na akong pakasalan? Hindi ko pa nasasagot ang tanong mo.”
Ipinaalala niya ang pag-aaya ko ng kasal sa kaniya. Of course she had not given me her answer yet. And I didn’t even have the ring with me, for Pete's sake. Anong klaseng proposal ito?
“Ano na? Huwag mong sabihing hihimatayin ka na naman? Aaron, sinasabi ko sa ’yo, mabigat ka.”
Umalis ako sa ibabaw niya at naupo sa kama. Inabot ko siya at pinaupo sa may hita saka ginawaran ng halik sa noo. Bahagya ko pang hinipo ang tungki ng ilong niya saka ako ngumiti.
“Hindi pa rin nagbabago ang isip ko at handa pa rin akong pakasalan ka kahit saan mo gusto. But…”
“But what?” Ang balikat nito ay biglang bumagsak ang gumuhit ang lungkot sa kaniyang mga mata.
“But I haven’t asked your father.
