NALAMAN KO PAGKATAPOS na kaya pala malakas ang loob niya ay dahil wala ang Papa niya. He took the Queen for a date at their favorite restaurant. Si Alvaro naman ay umuwi saglit sa kanila at babalik daw bukas.
“What do you want to do now?” tanong ko sa kaniya.
“I’m hungry and sleepy.” Bahagya siyang humikab.
Natawa ako nang mahina. “Do you want to eat out? May gusto ka bang kainin bukod sa—aray ko!” Akala ko ay inaantok na pero heto at may lakas pang makapanghampas.“Bukod sa pagkain dito sa palasyo. Ano ba ang iniisip mo?” dagdag ko.
Umirap siya sa akin. “Wala,” mariing tanggi niya.
Nakahiga siya sa kama at ang kaninang plantsado na cotton pants niya ay sobrang gusot na ngayon. Pati ang blouse niya ay puwede nang habulin ng plantsa. Sabog ang buhok niya sa unan pero hindi man lang
