"KUMUSTA na ang pakiramdam mo, Isabella? Maayos ka na ba? Ito, pagkain, kainin mo ito habang mainit pa dahil kailangan mong magpalakas habang nagpapagaling."
Agad bumaling si Isabella sa pinto at mula roon, nakita niya si Manang Vanessa. Pumasok ito sa loob habang may dalang bandeha. Lumapit ito sa may maliit na lamesa sa tabi ng kama at marahang ipinatong doon ang hawak. Isang mangkok iyon na sa tantiya niya'y lugaw. May katabing isang basong tubig ang mangkok at sa gilid ay may gamot.
Pero hindi nagka-interes si Isabella roon. Naglayo siya ng tingin kay Manang Vanessa at tumingin sa kawalan. Hindi siya nagugutom kahit na kahapon pa siyang hindi kumakain. Wala siyang gana ngayon at baka maitapon lang niya iyon.
Halos isang oras na rin ang nakalipas nang magising siya. Pagkagising niya,
