SINIGURADO muna niyang walang makakakita sa kaniya bago siya bumaba sa kaniyang kotse. Dinako niya ang gate ng bahay ni Tadeo at nang makarating, pumasok siya roon. Dumiretso siya sa paglalakad hanggang sa makarating siya sa harap ng pinto. Ngunit natigilan na lang siya bigla nang may makita siyang isang maliit na kahon sa ibaba ng pinto. Nangungunot ang noong kinuha niya iyon at inalog. Mahina lang ang narinig niyang tunog kaya napaisip siya kung ano nga ba talaga ang nasa loob ng kahon na iyon.
Naiiling niyang itinulak ang pinto at sakto namang may narinig siyang paparating na sasakyan. Nang tingnan niya iyon, nanlaki ang mga mata niya nang mapagtantong si Travis ang paparating. Sh*t! Hindi siya puwedeng makita nito. Dali-dali niyang itinulak ang pinto at agad na pumasok sa loob. Pero p
